Andama ang Dalan: Pagkinabuhi nga Nagatudlo Kang Jesus
Basaha: Juan 1:19–28
Pag-andam sa Dalan: Usa ka Tawag sa Mapainubsanon nga Katuyuan
Sa kalibutan nga daghan og pa-bibo, pa-sikat, ug self-promotion, lahi gyud kaayo ang kinabuhi ni Juan Bautista. Usa siya ka hayag nga ehemplo kung unsa gyud ang buot ipasabot sa pagkinabuhi alang sa mas taas nga tawag. Pagduol sa mga relihiyosong lider, nangutana sila kung kinsa gyud siya—siya ba ang Mesiyas, si Elias, o ang giingon nga Propeta? Pero ang iyang tubag puno sa pagpaubos:
“Dili ako ang Kristo.”
Gilarawan lang niya iyang kaugalingon nga “tingog sa nagtawag sa kamingawan,” aron matuman ang propesiya ni Isaias. Ang iyang misyon klaro kaayo. Dili para siya ang sentro, kundi aron andamon ang mga kasingkasing para sa Usa nga naa na diay sa ilang taliwala—si Jesus. Pero wala pa sila makaila Niya.
Nagbunyag si Juan gamit ang tubig—simbolo sa paghinulsol ug pagka-andam. Pero gitumbok niya ang Usa nga moabot nga magbunyag sa Balaang Espiritu. Siya ang Balaan nga gipamatuod ni Juan nga dili siya angay bisan paghilabot sa iyang sandalyas.
Ang iyang kinabuhi sama og mensahe nga nag-ingon:
“Dili kini bahin nako. Bahin kani ni Jesus.”
Kasingkasing sa Usa ka Alagad: Pagkinabuhi para sa Mas Maayo nga Butang
Ang mensahe ani nga bersikulo molusot gyud sa kasingkasing. Nagpahinumdom kini kanato unsay tinuod nga tawag nato isip mga tinun-an ni Cristo. Sama ni Juan, dili kita ang tumong—kita ang mga timailhan nga nagtudlo ngadto kang Jesus. Dili kita ang kahayag, pero kita ang nagdala sa kahayag. Ang atong kalipay dili sa makit-an ta sa mga tawo, kundi sa pagtabang sa uban nga makakita Niya.
Ang pagka-dedikado ni Juan kang Jesus, ang iyang pagka-masinugtanon ug pagka-mapainubsanon, nagpamatuod nga ang gahum sa ministry dili kinahanglan kusog og showy. Kasagaran, ang labing epektibo nga ministry mao ang hilom pero matinud-anon—nga naga-andam og kasingkasing, usa sa usa.
Gipasiga nga Katuyuan: Akong Papel sa Estorya sa Ginoo
Samtang naghunahuna ko, mura kog nakita akong kaugalingon sa sapatos ni Juan—dili tungod sa iyang kadak-on, kundi sa iyang disposisyon. Sama niya, usa ra ko ka alagad. Ang akong tumong dili ang motultol sa mga tawo sa ako, kundi kang Jesus.
Ingon nga D-group leader, dili ko gitawag aron mo-impress, kundi aron mo-invest. Dili aron motigom og followers, kundi aron mo-umento og mga Christ-followers.
Nag-uban ko sa bag-o pa sa ilang pagtuo. Nagtindog ko uban sa mga nakaagi na og daghang pagsulay. Klaro ang mission: pag-andam sa kasingkasing aron mas mailhan si Jesus, ug mas higugmaon pa Siya.
Ako lang ang vessel. Pero ang bahandi? Si Cristo nga naa sa sulod nako.
Kasingkasing sa Misyon: Siya ang Mousbaw, Ako ang Mokunhod
Adunay balaan nga katahum sa pagpaubos aron mousbaw si Jesus. Makaplagan nato ang kalinaw kung atong masabtan nga ang atong kahulugan dili sa kadaghan nga nakaila sa atong pangalan, kundi sa kadaghan nga nakaila kang Jesus tungod nato.
Dili ko angay ani nga bokasyon—pero tungod sa Iyang grasya, gisaligan ko Niya. Busa, nagaampo ko nga mag-alagad ko nga matinud-anon, malipayong, ug mapainubsanon. Ang akong kinabuhi unta mahimong pultahan nga padulngan sa uban paingon sa tinuod nga Diyos.
“Siya kinahanglan mousbaw apan ako kinahanglan mokunhod.” – Juan 3:30
Giunsa Ko Nahimong D-Group Leader – Sama ni Juan: Pagtabang sa mga Kasingkasing nga Andam Kang Jesus
— Usa ka Panaw sa Kaayohan, Pagmasinugtanon, ug Malipayong Pagpasakop
Pagkahuman nakong mosunod kang Jesus ug mahimong committed disciple, una nakong gibuhat mao ang pag-apil og D-group. Wala ko kabalo nga ang akong yano nga “yes” mahimong turning point sa akong kinabuhi.
Sa among grupo, akong nasinati ang gugma sa Ginoo sa paagi nga wala nako damha. Dili lang kini kada semana nga meeting—nahimo kini nakong pamilya. Nagtuon mi sa pulong sa Ginoo, nag-ambit sa insights, nag-ampo, nagkatawa, nagdula, nagkaon (daghan!), ug nagtinabangay sa kalipay ug kasakit.
Sa grupo nako nabatian ko, nakita ko, naila ko, ug gihigugma ko—not just by people, but by God Himself.
Usa sa among discussions nagbilin nako og dako nga impact:
Kung gusto ta og personal ug lawom nga relasyon kang Jesus, kinahanglan mo-spend ta og time with Him. Aron mahimo kini, kinahanglan nato i-spend ang oras uban Niya. Kinahanglan nato buhaton kini kada adlaw.
Mao ni akong spiritual rhythm:
- Sugdi ang adlaw uban sa Ginoo
- Ablihi ang Pulong sa Ginoo
- Lakaw sa adlaw uban sa Ginoo
- Istorya sa Ginoo sa imong hunahuna
- Tapusa ang adlaw uban sa Ginoo
Dugay-dugay, gipamugos ko sa Ginoo nga motabang pud sa uban nga masinati nila ni. Ang Great Commission dili na lang Bible verse, kundi usa na gyud ka personal mission.
Naa koy sekreto: usahay ang tawag ni Jesus muabot sa imong D-group leader nga muingon,
“O ikaw na sunod ha. Handle mo na ni.” (Wala pa ko kabalo hangtod karon kung encouragement ba to o gentle shove!)
Wala gyud ko ka feel nga ready na ko. Pero mas dako akong tinguha nga mo-obey kang Jesus.
He doesn’t call the perfect—He calls the willing.
Pag-sulod nako isip leader, na-realize nako: parehas ra ni kang Juan Bautista—nag-andam sa dalan para kang Jesus.
Dili sayon. Naay kalipay, naay frustrations, labi na kung ang members murag lisod tagdon. Usahay murag babysitting:
“Lord, di sila maminaw!”
Pero didto ko gitudluan sa Ginoo og pasensya, kalooy, ug pagka-nurturing.
Dili lang sila ang nitubo sa espirituhanon—ako mismo nausab.
Pagpadayon Bisan Magbalhin-balhin
Tungod sa kinabuhi, kinahanglan ko mubalhin og lugar. Kada balhin, gisalig nako ang grupo sa lain nga leader. Pero kada abot nako sa laing lugar, naay bag-o na pud nga group nga ipa-handle sa Ginoo.
Sa una, medyo frustrated ko:
“Lord, nganong di ko matagbaw og usa ra ka lugar?”
Pero karon, nasabtan nako—assignment diay ni. Gitawag ko para mutanom, magbubo, ug maglakaw uban sa uban nga babae sa ilang panaw sa pagtuo.
Karong naglantaw ko balik, dili ko katuo nga ania ko—nag-lead, nag-disciple, nag-encourage, ug usahay mahimong “ate” nga ilang gikinahanglan.
Becoming a D-group leader is not about being an expert. It’s about being available.
Sama ni Juan, ang papel nato mao ang magtudlo ngadto kang Jesus.
Pagamita ang Dios sa imong istorya, sa imong kasakit, ug sa imong pagkaayo—sa pag-andam sa uban sa pagsugat ni Kristo.
Kung Gitawag Ka sa Ginoo—Tubag
If you’re wondering if God is calling you to lead—YES.
If He used someone like me nga nag-doubt og una, He can use you too.
Say yes. Obey.
Ug tan-awa kung unsaon sa Ginoo pagsulat og nindot nga storya gamit ang imong gamay nga lakang sa pagtuo.
Akong Pag-ampo
Lord Jesus, ayaw ko tugoti nga mahimong babag sa Imong buhat. Himua ko nga instrumento.
Punu-a ko sa Gugma, sa Kamatuoran, ug sa Balaang Espiritu.
Himoa nga ang akong kinabuhi mahimong pultahan para sa uban paingon Kanimo.
Ako unta ang mokunhod, ug Ikaw ang mousbaw. Amen.
Usa Ka Hagit: Uban Ta Sa Panaw
Nakahunahuna na ba ka nganong naa ka sa imong lugar karon? Ang mga tawo sa imong palibot—mission field ba kaha na nimo?
Wala ka diha by accident. Sama kang Juan, gitawag ka nga mag-andam sa dalan—sa imong balay, trabaho, ug mga connections.
Paglantaw palibot—kinsay nanginahanglan og encouragement? og kamatuoran? og gugma?
Dili kinahanglan perfect ka. Dili kinahanglan expert ka. Kinahanglan lang andam ka.
Tubag Na. Ayaw na Huwata.
Ang kalibutan nagkinahanglan og paglaom. Ang mga kasingkasing nangita og kamatuoran. Ang mga kalag naggutom sa kahayag ni Cristo.
Ug Ikaw ang gitawag sa Ginoo—karong adlawa.
Mag-uban ta. Tubag: “Here I am, Lord—send me.”
🌿 Mao ni ang panaw. Uban ta. Worth it gyud si Jesus. ✨
Immanuel and Me 
Leave a comment